Ko te toi te aro, ko te oranga tonutanga o te reo te whai
He kaupapa hei whakatairanga, hei akiaki, hei whakaohooho i te tuku ihotanga ā-whānau, ā-hapori anō hoki o ngā toi ataata whānui me te reo toi hei reo whakamahi.
Ko tā te hōtaka RaRau Mai he whakapakari i te puna reo toi o ngā mātua me ngā tamariki mā roto mai i ngā ngohe toi reo Māori whaitake.
Ra
Rau
Mai
E toru ngā aronga toi i te tau 2023. I te wāhanga kura 1-2 ka āta titiro ki ngā ngarara o Aotearoa. I te wāhanga 3 ka hanga whare parahe ā i te wāhanga kura whakamutunga ka rangahau i ngā pūrākau taniwha.
E rua ngā huarahi whakahaere o RaRau Mai 2022, arā ko RaRau Mai kanohi-ki-te-kanohi te tuatahi mō ngā whānau o Te Papaioea, ko RaRau Mai ako ā-tuihono te tuarua ka whakahaere mā ngā hui topa mō te whānau e noho tawhiti ana.
I tēnei tau e rua ngā huarahi whakahaere o RaRau Mai. I hoki ki ngā akoranga kanohi-ki-te-kanohi mō ngā whānau o Te Papaioea ā mō ngā whānau e noho tawhiti ana i whakairihia ētahi akoranga ki te teihana TiriAta.
RaRauMai 2020
Nō te pānga mai o te mate urutā COVID-19 me ngā rāhuitanga o te noho pākati i tahuri mātou ki te kawe i ngā mahi ā-tuihono arā, kia hōtaka ako i te kāinga te hanga o RaRau Mai 2020. Ka whakaratoa mā te ipurangi arā, mā te paetukutuku RaRau Mai mō te toenga o te tau 2020.
I whakamahia e TOI ngā pae tuihono, pae pāhopori e toru. Ko te paetukutuku motuhake nei hei pae tuari i ngā mahi o TOI, ko te Pukamata hei pae whakawhitiwhiti kōrero; ko te TiriAta hei pae rokiroki i ngā ataata whakaako. Kei ia kaupapa e puritia ana ētahi whakaakoranga toi reo Māori, he kōnae hōputu tuhinga kawe (PDF) hei taunaki i te whakaakoranga. Kua tuhia ki ngā PDF ētahi tohutohu whakahaumaru i te whakamahinga o ngā utauta me ngā rauemi.
RaRauMai
2019
I te 2019 ka 40 wiki te roa o te hōtaka, 16 ngā whānau katoa nō roto o Te Papaioea me Ōtaki.
I'm a paragraph. Click here to add your own text and edit me. Let your users get to know you.
RaRauMai
2018
I tīmata a RaRau Mai i te tau 2018. He hōtaka 20 wiki te roa, e 7 ngā whānau kōrero Māori nō roto mai o Te Papaioea.
